“Эрдэнэт үйлдвэр” ХХК-ийн Залуучуудын холбоо

 

“Эрдэнэт үйлдвэр” ХХК-ийн Залуучуудын холбоо нь 1999 онд байгуулагдсан. Манай холбоо нь залуусын идэвхи санаачлага, хүсэл эрмэлзэл, нийгэм дэх бүтээлч оролцоог хөхүүлэн дэмжих зорилгод анхаарлаа хандуулж, анхан шатны нэгжүүдийн үйл ажиллагааг эрчимжүүлж, залуу хүн бүрт хүрч ажиллах зорилт тавин ажиллаж байна.

2009 оны 9-р сарын 5-нд хуралдсан ээлжит бус чуулганаар Залуучуудын холбооны үйл ажиллагааны чиглэлд нийцүүлэн удирдлагаүтцийг шинэчлэн баталж Баяжуулах фабрикийн ажилтан  Д.Мөнхболд Залуучуудын холбооны тэргүүнээр сонгогдов.

Залуучуудын холбооны Хүндэт зөвлөхөөр Ерөнхий захирлын Хөгжлийн асуудал эрхэлсэн орлогч Ц. Бат-Энх ажиллаж байна.

Залуучуудын холбооны ээлжит бус чуулганаар Залуучуудын холбоог 11 гишүүнтэй Удирдах зөвлөлтэй байхаар бүтэц зохион байгуулалтын шинэчлэл хийж, түүний эрх, үүргийг баталж гишүүдийг сонгов.

Удирдах зөвлөлийн гишүүдээр:  ХИУ -н инженер Ц.Шинэдорж,           ШТЛ -ийн  инженер С.Дэлгэрмаа,  МТХБ -ын цахилгаанчин М.Сүхбаатар,     ЗМЗ -ын технологич Н.Хосбаяр, ТА ба ТБТ цехийн программист Т.Чинзориг, ТС –ийн инженер О.Баярбат, АТБ -ын цахилгаанчин И.Батболд,  ХХБО хэлтсийн эрүүл  ахуйч эмч О.Алтансүх, АТБ -ын нярав Д.Мөнхцагаан,  Оёдлын цехийн менежер Э.Цолмонгэрэл нар сонгогдон ажиллаж байна.

Залуучуудын холбооны Удирдах зөвлөлийн  2009 оны 09 –р сарын 10-ний өдрийн хуралдааны шийдвэрээр ерөнхий нарийн бичгийн даргаар Захиргаа аж ахуй цехийн П.Нарангэрэл, Хяналтын зөвлөлийн даргаар Спорт цогцолборын Бүтээмжийн менежер З.Сургар нарыг сонгов. 

Залуучуудын холбоо нь тодорхой чиглэл бүхий багуудаас бүрдсэн байхаар зохион байгуулагдав.

“SUMMER SUN” спорт аяллын тэмцээн

Хангайн бүсийн залуучуудын хөгжил, хөдөлгөөн эрүүл мэндийг дэмжиж, адал явдалт явган аяллын спорт хөгжүүлэх зорилготой “SUMMER SUN” спорт аяллын тэмцээнийг “Эрдэнэт үйлдвэр” ХХК,  Орхон аймгийн ЗДТГ, Байгаль орчин, аялал жуулчлалын газар, “Эрдэнэт үйлдвэр” ХХК-ийн залуучуудын холбоо хамтран 2010 оны 8-р сарын 27-31-ний өдрүүдэд зохион байгууллаа. Эрдэнэт-Хар гуя-Хустайн ам-Хандгайт-Сэлэнгэ амралт-Эрдэнэт маршрутаар явагдсан тус тэмцээнд Архангай, Өвөрхангай, Хөвсгөл, Сэлэнгэ, Орхон аймгийн баг, тамирчид хамрагдав.

Аяллын явцад оролцогчид Булган аймгийн Ингэт сумын Ингэтийн даваа овоо орчмыг сэргээн засварлаж тохижуулах, цэвэрлэх бүтээлч ажил өрнүүллээ. Тодруулбал, Архангай аймгийн “Баянхангай” баг дурсгалын самбар босгож, Хөвсгөл аймгийн “Чингүнжав” баг бие засах газар сэргээн засварлаж, Орхон аймгийн “Од” баг ширээ, Сэлэнгэ аймгийн “Нар дагуулсан залуус” баг сандал, “Эрдэнэт” үйлдвэрийн “Хангарьд” баг хогийн сав байрлуулсан бол шүүгчид, зохион байгуулах багийнхан орчны хог цэвэрлэв.

“SUMMER-SUN” ХАНГАЙН БҮСИЙН ЗАЛУУЧУУДЫН УУЛЗАЛТ, АДАЛ ЯВДАЛТ СПОРТ АЯЛАЛД “ЭРДЭНЭТ ҮЙЛДВЭР” ХХК-ийн ЗАЛУУЧУУДЫН ХОЛБООНООС ОРОЛЦСОН ЗАЛУУСЫН НЭРС

№	Оролцогчдын нэрс	Цех	Албан тушаал	Табель
1	О.Найрамдал	РМЗ	Ган хатаагч	45750
2	Б.Бат-Сэлэнгэ	РМЗ	Тросс сүлжигч	17152
3	Э.Эрболд	ОФ	Токарьчин	92719
4	Р.Түвшинтөр	АТБ	Белазын жолооч	66690
5	Э.Төрхүү	ГРП	Өрмийн туслах	66717
6	Оргилсайхан	Цах. цех	Инженер
7	Э.Увдис	РМЗ	Лаборант	69388
8	Г.Гантуяа	ДС	Конвер машнист	22487
9	Ө.Минжмаа	ОФ	Арга зүйч	44074
10	Э.Болормаа	Спорт Ордон	Үйлчлэгч	16736

Зохион байгуулалтад оролцогчдын нэрс

№	Оролцогчдын нэрс	Цех	Албан тушаал	Табель
1	С.Ганцогт	ОФ	Мастер	22484
2	Т.Мөнхбат	ИПО	Инженер	44048
3	Д.Дарханбаяр	ДС	Мастер	25322
4	Д.Түмэндэмбэрэл	Цагдаа	Ахлах ахлагч	61781
5	Б.Батцэцэг	Сувилал	Хоол зүйч	17203
6	П.Нарангэрэл	ЗАА	Цахилгаанчин	45929

Эрдэнэтийн залуус Эрхүүд...

2010 оны  5 сард “Эрдэнэт үйлдвэр” ХХК-ийн Залуучуудын холбооны ажлын төлөвлөгөө, Ерөнхий захирлын А/269 тоот тушаал, Технологийн сургуулийн 35 жилийн ойн ажлын хүрээнд ЗХ –ны Удирдах зөвлөлийн гишүүн С.Дэлгэрмаа тэргүүтэй  “Эрдэнэт үйлдвэр” ХХК-ийн 14 залуучууд  Эрхүүгийн Улсын Техникийн Их Сургуулийн багш оюутнуудтай нөхөрсөг уулзалт хийж туршлага солилцоод ирсэн юм."Эрдэнэт үйлдвэр" ХХК-ийн Залуучуудын холбооны ажлыг ил тод байлгах үүднээс Эрхүү явсан залуусын нэрсийг нийтлэв.
 

Эрхүү явсан “Эрдэнэт үйлдвэр” ХХК-ийн залуусын нэрс

№	Нэрс	Табель	Албан тушаал	Цех
1	А. Аадар	10770	Цах. слесарь	Дулааны   станц
2	Н. Баяр-Отгон	18101	Эдийн  засагч	Эдийн  засагийн  хэлтэс
3	С. Дэлгэрмаа	25064	Инженер  -судлаач	Шинжилгээний   төв  лаборатори
4	Р. Жаргалсайхан	31338	Электрик	ЦТА и ВТ
5	А. Золбоо	34228	Нягтлан  бодогч	Санхүүгийн хэлтэс
6	Б. Мөнхчимэг	43944	Табельщик	АТБайгууллага
7	Ч. Наранцацрал	45986	Нарын  бичиг	МТХБааз
8	Л. Оргилсайхан	52433	Цах. инженер	Цахилгаан  цех
9	Б. Пүрэвдорж	55328	Багш	Технологийн сургууль
10	Н. Тугтөгс	66636	Зас.   мастер	Засвар  механикийн  завод
11	А.Үнэнжаргал	69316	Уулын   мастер	Хүдрийн  ил уурхай
12	Ц. Цолмон	79002	Нарын  бичиг	Баяжуулах фабрик
13	Б. Хишигдарь	75470	Комендант	Технологийн сургууль
14	Л. Эрдэнэсувд	92412	Технологч	Эрчим  хүчний  цех

“Эрдэнэт үйлдвэр” ХХК-ийн "2010 оны онцлох залуу" шалгаруулах журам

Нэг. Нийтлэг үндэслэл

     1.1  “Эрдэнэт үйлдвэр” ХХК-ийн оны онцлох залуу шалгаруулах,урамшуулах үйл ажиллагааг энэхүү журмаар зохицуулна.

      1.2  Жил бүрийн залуучуудын холбооны шинэ жилийн өдөрлөг дээр тухайн оны шилдэг залуусыг шалгаруулж, шагнал олгоно.

Хоёр.Оны онцлох залууд нэр дэвшүүлэх

2.1 “Эрдэнэт үйлдвэр” ХХК-ийн нийт цех, хэлтэсүүд өөрийн тэргүүний залуугийн нэрийг номинаци тус бүр дээр дэвшүүлж болно.

2.2 Оны  онцлох залууд зөвхөн тухайн онд гаргасан амжилтаар нэр дэвшүүлнэ.

2.3 Оны  онцлох залууд нэр дэмшүүлэх хүний материал дараах баримт бичгийг  “Эрдэнэт үйлдвэр” ХХК-ийн ЗХ-ны байранд  /Эмнэлэг сувилалын албаны 2-р байр 409 тоот өрөөнд / 2010 оны 11 дүгээр сарын 25-ны 17:00 цагийн дотор ирүүлнэ. Утас: 73933, 95844584, 99351084

2.4 Ирсэн материалуудыг Зохион байгуулах комисс авч хэлэлцээд номинаци тус бүр дээр 3-5 нэр дэвшигчийг тодруулан 2010 оны 11дүгээр сарын15-аас 12-р сарын 15-ны хооронд суурин утас, гар утасны мессэж, Залуучуудын холбооны блог санал асуулгаар хамт олны саналыг авч зохих хувиар эцсийн үр дүнд харгалзуулна.

Үүнд: а. Нэр дэвшигчийн намтар, анкет (батлагдсан стандартын дагуу байх )

          б. Тухайн цехийн удирдлагын тодорхойлолт

          в. Тухайн жилд амжилт гаргасан уралдаан, тэмцээний жагсаалт, бусад шагнал үнэмлэх, гэрчилгээний хуулбар гэх мэт

2.4 Шалгаруултанд ирсэн материалыг буцааж олгохгүй.

Гурав.  Оны  онцлох залуу шалгаруулалтын төрөл, урамшуулал, шалгаруулах явц

3.1 Оны онцлох залуу дараах номинаци тус бүрт шалгаруулна. Үүнд:

·         “ Оны шилдэг шинийг санаачлагч залуу”

·         “ Оны шилдэг инженер залуу”

·         “ Оны шилдэг ажилтан залуу”

·         “ Оны шилдэг нийгмийн идэвхтэн залуу”

·         “ Оны урлаг, спортын шилдэг залуу”

·         “ Оны шилдэг халамжлан хүмүүжүүлэгч”

3.2 Комиссын бүрэлдэхүүнд эрдэмтэд, холбогдох байгууллагын мэргэжилтэн, цех, хэлтсүүдийн удирдлага, залуучуудын байгууллагын тэргүүлэгчдийг оруулна.

3.3  Онцлох залууд нэр дэвшигчийг комиссын гишүүнээр оруулахгүй.

3.4.Комиссын үйл ажиллагааны үндсэн хэлбэр нь хуралдаан байна.

3.5 Оны шилдэг залууг дараах үзүүлэлтээр шалгаруулна. Үүнд:

А. Онолын мэдлэг

Б. Эрдэм шинжилгээ судалгааны бүтээл туурвисан байдал

В. Үйлдвэрийн эдийн засаг, техник, технологи бусад асуудлыг шийдвэрлэхэд оруулсан байдал

Г. Үйлдвэрийн зүгээс үнэлгээ өгсөн байдал      

3.6 Комиссын нийт гишүүдийн дөрөвний гурав нь хүрэлцэн ирсэн тохиолдолд хуралдааныг хүчинтэйд тооцож, хуралдаанд оролцсон гишүүдийн ердийн олонхийн саналаар дүгнэлтийг гаргана.

3.7 Комиссын дүгнэлтийг үндэслэн шагналын хэмжээг “Эрдэнэт үйлдвэр” ХХК-ны ЗХ-ны удирдах зөвлөлийн хурлаас батална.

3.8 Оны  онцлох залуу шалгаруулалтын 6 номинацад байр эзэлсэн 6 хүртэл хүнийг “Оны  онцлох залуу “ цом, өргөмжлөл, мөнгөн шагнал олгоно.

3.9 Оны  онцлох залууд нэр нь дэвшсэн хүмүүст үнэлгээ өгч, дүгнэлт гаргах комиссыг “Эрдэнэт үйлдвэр” ХХК-ны ЗХ-ны удирдах зөвлөлийн хурлаас байгуулна.

3.10 Нэр дэвшигч дээрх зургаан номиниацийн зөвхөн аль нэгт нэрээ дэвшүүлнэ.

3.11 Оны  онцлох залуугаар шалгарсан залуучуудаас ярилцлага, нэвтрүүлэг хийж, шинэ жилийн арга хэмжээнд танилцуулан, олон ниитэд сурталчлан алдаршуулна.

“Эрдэнэт үйлдвэр” ХХК-ны Залуучуудын Холбооны “Оны онцлох залуу тодруулах” Зохион байгуулах комисс

Алхам алхмаар өөрийгөө зогсолтгүй боловсруул

“Эрдэнэт Үйлдвэр” ХХК-ны Залуучуудын Холбооны тэргүүн Д.Мөнхболдтой уулзан ярилцлаа. Залуучуудын Холбооны үйл ажиллагааны талаар ажилтан залуус та бүхэнд хэрэг болохуйц ярилцлага болсон гэдэгт итгэлтэй байна.

Сайн байна уу? “Эрдэнэт Үйлдвэр” ХХК-ны Залуучуудын Холбооныхон ойрын хугацаанд ямар үйл ажиллагаа зохион байгуулсан бэ?

Өнөөгийн Эрдэнэт сонины уншигчид, үйлдвэрийн хамт олон, Залуучуудын Холбооны идэвхтэн гишүүд, залуучууддаа энэ өдрийн мэнд дэвшүүлье. Манай Залуучуудын Холбооноос 2010 оныг “Залуучуудын хандлагыг өөрчлөх жил” болгон зарласнаараа холбоотой холбооны удирдах зөвлөлөөс баталсан үйл ажиллагааны хүрээнд ажлууд явж байна.

Он гарснаас хойш бид “Хандлагыг өөрчлөх нь” ерөнхий сэдвийн хүрээнд Улаанбаатар хотоос лектор Н.Нямцэрэн, Наранцэцэг, Н.Амарбаясгалан нарыг урин Уурхайчин соёлын ордонд 6 удаагийн лекцийг “Эрдэнэт Үйлдвэр” ХХК-ны ажилтан залуучуудын хэмжээнд зохион байгуулсан.

Энэ оны 4 сараас эхлэн Баяжуулах Фабрикын хамт олон үйлдвэрийн удирдлагуудын дэмжлэгтэйгээр залуучуудынхаа хүчээр төсөл бичиж Баяжуулах Фабрикын хогийн цэг байсан газрыг цэвэрлэн, мэргэжлийн байгууллагын тусламжтайгаар ойн төгөл байгуулах ажил эхэллээ.

5 сард С.Дэлгэрмаа тэргүүтэй үйлдвэрийн 14 залуучуудаас бүрдсэн баг Эрхүүгийн Улсын Техникийн Их Сургуульд багш оюутнуудтай нөхөрсөг уулзалт хийж, туршлага солилцлоо.

6 сард үйлдвэрийн ажилчин залуус уул уурхайн ижил төстэй байгууллагуудтай танилцаж, мэргэжил нэгт нөхөдтэйгээ харилцан туршлага солилцох зорилгоор Бор-Өндөр УБҮ далд уурхайг үзэхээр АТБ-аас Т.Ганболд ахлагчтай 15 хүнтэй баг зочлоод ирлээ.

7 сарын 13-30-ны өдрүүдэд үйлдвэрийн 22 цех хэлтсээс шалгарсан 22 шилдэг ажилтан залуусыг Дулааны Станцын Залуучуудын Холбооны Тэргүүлэгч Д.Дарханбаяр удирдан Хөвсгөл аймаг руу тойрон аялалд яваад ирлээ.

8-р сарын 07-08-ны өдрүүдэд манай ЗХ-нь ХХБО-ны хэлтэс ЭСА Онцгой Байдлын Штаб, Гал унтраах 58-р анги хамтран Спорт цогцолбор, Уурхайчин Соёлын Ордон, МСА-тай хамтран хөдөлмөрийн аюулгүй байдал, эрүүл ахуй, гамшгаас хамгаалах асуудлыг сурталчлах зорилготой “Алтан Бамбай 2010” наадмыг амжилттай зохион байгуулсан.

Эрдэнэт хотын бэлгэ тэмдэг болсон “Найрамдлын Өндөрлөг”-ийн хашааг залуусынхаа идэвхи зүтгэл, хөдөлмөрөөр тохижуулсан гээд бидний хувьд олон бүтээлч ажлыг амжуулаад байна.